English 3L06
    Old English Language and Literature

WULF AND EADWACER

Leodum is minum       swylce him mon lac gife.

Willad hy hine aþecgan,       gif he on þreat cymeð.
Ungelic is us.

Wulf is on iege,       ic on oþerre.
Fæst is þaet eglond,       fenne biworpen.
Sindon wælreowe       weras þaer on ige.

Willad hy hine aþecgan,       gif he on þreat cymeð.
Ungelic is us.

Wulfes ic mines widlastum       wenum dogode.
þonne hit wæs renig weder       ond ic reotugu sæt,
þonne mec se beaducafa       bogum bilegde,
wæs me wyn to þon,       wæs me hwæþre eac lað.
Wulf, min Wulf,       wena me þine
seoce gedydon,       þinre seldcymas,
murnende mod,       nales meteliste.

Gehyrest þu, Eadwacer?       Uncerne hwelp
bireð wuld to wuda.

Þæt mon eaþe tosliteð       þætte næfre gesomnad wæs,
uncer giedd geador.



Return to English 3L06 Homepage